 |
| قصص تحفة |
بسباب الغيرة خسرت صاحبتي:
الجزء الاول:
عمري فكرت شي نهار نقدر ندير شي حاجة تعصي الله ونولي سحارة.
كانت عندي صاحبتي فلعمر ديالها 22 سنة كنت انا كبر منها بعامين هي كانت زوييينة بزاااف بلا قياس وسميتها غزل وبصح نيت كانت غزااالة بزااف اشمنك يافورما اشمنك يا بيوضة اشمنك يا شعر وحجبان جاو فيها بزاف دلخطاب فلوقت لي انا عمر شاف فيا شي احد تا شوفة هي اللخرة وهي كانت كترفض قالت باغا تكمل قرايتها كنا صحابات روح لروح كنت عزييزة عليها بزاف وحنا انا ولكين ديما كنحسدها على زينها كانت ملي تتبغي تخرج ديما تنخرج انا وياها لكن كنت تنحس بنقص كبير بزاف ملي تنكون خارجة انا وياها حيت دراري تيبقاو اشوفو فيها انا عمر شي حد مداها فيا حيت رقيقة بزاف وسمرة وخايبة عامرة حبوب.
لمهيم دازو الايام كنا خارجين تبعها واحد الولد بطموبيلتو بقا لاصقها حتا عطاتو نمرة رجعنا وانا مفقوسة قلت علاش مشافش فيا انا ومبغانيش رجعت مدويتهاش حيت ساكنة حدانا دخلت لدارنا سديت عليا فبيتي بقيت تنبكي لغد ليه جات عندي قالت ليا داك الولد ديال لبارح عيط ليا وقالي ضاروري ايشوفني اليوم وانا وافقت قالت ليا الصراحة عجبني قالت ليا يلاهي معايا رفضت قالت ليا علاش قلت ليها مريضة قالت ليا اك ليبغيتي لمهيم نهار كامل وانا لعافية شاعلة فيا فلعشية سيفطات ليا ميساج كتسول عليا وقالت ليا بلي قاليها نوا معاها لحلال مجاوبتهاش لمهيم من بعد شهر قاليها من بعد 3 غيجي ويجيب ضارهوم بزاف مقدرتش نعس متسرطاتش ليا داك نهار بظبت مشيت عند واحد المشعودة عطيتا 500 درهم قلت ليها واحد صاحبتي بغيتك ديري ليها العكوس لي خطبها تردو متزوجش قالت ليا جيبي ليا ملابسها گارسونها ولمشطة باش كتمشط وقفل ورجعت من عندها ولغد ليه قلت ليها يلاه نمشيو للحمام باش تكوني نقية راه مبقا والو لخطبتك صف مشينا وبتخبية هزيت ليها لمشطة وسوتيمات صافي جينا وغير رجعت مشيت لشوافة وديتليها داكشي وشداتو رشات عليه شي حاجة بيضة وحزماتو بخيط كحل ودارت لقفل وقالت ليا لوحيه فلبحر مشيت من تماا للبحر ولحتو وداك نهار بضبت كانت عندها الخطبة وقع ما لم يكن في الحسبان ملي رجعت تصدمت بزاف ولقيت صاحبتي تتغوت وكتنتف وتقمش راسهاوناس لي غيخطبوها كانو عندهوم يلاه كنت داخلا معا درب تنسمع غواتهاااا مشيت تنجري تخلعت لقيتها كلها دمايات وجها ويديها و...
الجزء الثاني
خرجت على البنت لي كانت دايراني كتر من صحبتها دايراااني ختها وسحرت ليها ملي لحت داك سحور لي سحرت فيه لصاحبتي فلبحر وداك النهار كان عندها الخطبة من داك نهار صاحبتي تبدلات رجعت لدا وانا فرحانة حيت غنفارقها على خطيبها ومكنتش تيسحاب ليا غندم وغيطرا هادشي وانا غادة لدار تنسمع غواتها من راس درب مشيت تنجري لقيت جيران مجوقين وهي كتغوووت وكتنتف راسها وكتقول شي حد قاجني عتقوني انا تصدمت معرفت باش تبليت قلت ليها اش واقع هي كتغوت وتنتف راسها وجها ولا كلو دمايات قمشات راسها من بعد شوية وهي تتهدن دخلناها لبيتها ومها مسكينة تاهيا مصدومة وخواتاتها وتكيناها وكلها تتقفقف ولكشكوشة من فمها مشيت انا لدار مفاهما تا لعبا رجعت عندها لغد ليه ودريا تبدلااااات 90 درجة ولا وجها زرگ وساهيا مدوي ومتتكلم كنقول ليها غزل هضري معايا وااالو من بعد 3 ايام بدات كدوز بدم داوها لطبيب وااالو جابو ليها لفقيه والو كتبقا طيح وكتغيب وتركل وحالتها حالة تنشوف فيها وتنقول اشدرت اسيدي ربي اش درت خرجت عليها نهار على نهار كتزيد تخياب وكتكفس على نهار لي قبل وباقا تتسيل بدم وداك الدم لونو حمر مغلوق غادي للكحوليا فينما تنمشي عندها تتبدا تبكي وكتقول ليا صاحبتي انا معرت مالي واقيلا غنموت وانا تنحس بتانيب الضمير وكنقول ليها دابا تولي بيخير اختي انا كنت تنقول معا راسي داكشي دغيا غيفوتها من بعد شهراين ذيال المعانات ...
الجزء الثالث:
من بعد شهراين ذيال المعانات مرضات بسرطان جاها السرطان مشا داك الشعر لي كان بحال لحرير مشاو الحجبات مشات ديك الفورمة لي كان لي تيشوفها تيحماق تا ذيك البيروضة مشلت ولات زرگة ووجها كحااال مرضات ديال بصح ولات رقيقا عيطات اتا واحد نهار كتصوني ليا معا 7 دصباح كتقول ليا ختها اجي دابا راه غزل بغاتك راه بغات تقول ليك شي حاجة مشت تنجري دخلت عنقاتني مها ومتكيي وعرفتو دموع الام ديالها تيحرقوني وخصوصا ملي تتدعي ابين ليها الله شكون سبابها دخلت عند غزل لبيتها لقيتها متكية شافتني بدات تتبكي عنقاااتني وهي تقول المسامحة سمحي ليا الى اديتك الى خصرت معاك وانا تنبكي كنقوليها لا دابا تعيشي وهي تحل لماريو ديالها قالت جبدات 3 جلالب يلاه مخيطاهوم وااعرين وزوينين قالت ليا هادو هوديهوم وجبدات ليا بزاف من حوايجها و واحد السنسلة ديال الدهب كانت لبساها حيداتها ولبساتها ليا قالت ليا هادي بقاي تفكريني بيها وقالت نتي عمرك كنتي صاحبتي نتي ختي بغيت نصارحها مقدرت دريا بانت ليا ولات حالتها وبدات كتموت خرجت تنجري ومشيت تنقلب على سحارة وتما كانت الصدمة لي غتخليني نعيش اكفس ايام حياتي...
الجزء الرابع والاخير:
خرجت تنجري تنقلب على سحارة لي سحرت عندها ليها كنقلب ولقيتها ودخلت وبديت كنطلب فيها قلت ليها عفاك كيفاش نفك سحر لصاحبتي لي سحرت ليها عندك مبغاتش تقول قالت ليا كاينة طريقة ولكين غتفضحي قلت ليها غا قولي ونعطيك لي بغيتي قالت ليا غتمشي تاخدي 5 ايطرو من لما ديال لبحر لي لحتي فيه سحور وتمشي لدار وتحيدي حوايجك كاملين وتكبي عليك داك لما وتعطيها تشرب منو وخرجت تنجري شريت بوديزة دلما عامرة مشي للبحر خويت لما لي كان فيها وعمرتها بلما دلبحر لي لحت فيه سحور وانا راجعا لدار تنسمع فجيران تيقولو ان لله وان اليه راجعون 😔😞😟
تصدمت كنقول شكون م.ات شكون تيقول غزل الله يرحمها متيقتش مشيت تنجري لدارهوم تنلقا خواتاتها تيندبو وتيغوتو ودخلت للبيت لقيتها ماتت تنشوف فيها تنلقاها مغطين ليها وجها وبديت تنفوووت ربي لي خلقني لبنت لي كانت دايراني ختها و ديما واقفة معايا ماديا ومعناويا انا لي قتلتها لا ميمكنش
خرجت من لبيت تا كنلقا مها طاحت مغيبة داوها لسبيطار بناتها زادو تيبكيو وتخلعو حتى على مهوم وحدة من خواتاتها 5 سنين باش تزوجات ومعندهاش لولاد وعاد حن عليها الله وعندها شهراين كانت حاملة وداك نهار فاش ماتت ختها طاح ليها ومها ملي فاقت من الغيبوبة لقاو عندها الشلل النصفي حيت مها كانت مريضة بلقلب.